IT業界資訊媒體

【Printer 暗藏玄機】小心暗中監視你的「黃點」

Printer 俾人 hack 大家聽唔少,但你又知唔知 printer 本身都可能跣你一鑊?

原來,幾乎每張彩印文件背景上都隱藏住黃色小圓點,係一種肉眼難以識別的數碼水印(Machine Identification CodeMIC),別名「追蹤暗碼(tracking dots)」,需要用顯微鏡或藍光照住先睇得清楚。透過解碼工具,就可以搵到打印機編號、列印時間、地點等等信息。

【Printer 暗藏玄機】小心暗中監視你的「黃點」
藍光下,「黃點」露出原貌。

事實上,大多數打印機廠商都會同美國政府簽訂秘密協議,於列印紙上留下數碼證據,方便案件追蹤。即係話,政府可以憑住一張彩印紙搵到你部打印機,再搵到你,匿埋都冇用,係咪覺得細思極恐?

其實喺上個世紀八十年代,呢個功能就已經出世,直到 2014 年一名消費者無意中發現,先至公佈於世。而最經典嘅 case 都係 2017 年,美國國家安全部(NSA)透過黃點捉到向媒體洩密國家機密的聯邦內鬼。

當年,聯邦僱員 Reality Leigh Winner 發現美國大選內幕文件,用打印機掃描,並傳送至到知名媒體 The Intercept。報導一出街,NSA 馬上展開調查,發現刊登出黎嘅文件有奇怪黃點,類似編碼圖案。經過分析,佢地成功解碼,搵出列印時間及地點,將 Winner 捉拿歸案,

【Printer 暗藏玄機】小心暗中監視你的「黃點」
教你如何識別追蹤暗碼。

市面上絕大部分 printer 都植入黃點技術,包括 HPIBMCanonEpson 等等。目前 Github 上已經有可以去除黃點嘅工具。大家以後 print 重要文件時要小心喇。

相關文章:Github 去除黃點工具 https://bit.ly/2pzZMTs

資料及圖片來源:https://bit.ly/1yduWvF