IT業界資訊媒體

【Edvance Beacon 2019】自動化審計方案 極速掃漏代填報表

大企業要面對嘅其中一個網絡安全難題,就係公司嘅網絡、電腦設備太多,閒閒哋幾百部,每當要為其中某種設備進行系統更新,堵塞網絡漏洞,IT 部同事可能都會做到迷晒,做少幾部嘅甩漏情況時有發生;除此之外,為咗達到合規性經營同業界嘅安全框架要求,企業每年都要定時定候遞交各式各樣嘅國際標準報告作審計,耗費大量人力及時間寫報告。到底有無自動化審計及解決方法?答案當然係:有。

正如上面所講,要確保公司內部所有設備都同步 update 到最新系統版本,堵塞漏洞已經好難;如果要喺幾百部設備入面檢查有無漏洞存在就更難,一來要好多人手,二來亦花費時間,特別係當發現內部同時間存在幾種漏洞,如果缺乏網絡安全專家,就好難判斷應該解決邊個問題先。市面上雖然有 scanner 可以協助搜尋所有設備嘅系統版本,但可能你都會發現到,呢啲 scanner 只會負責搵,唔會識得根據全球網絡威脅報告,去評估風險嘅嚴重性,自然提供唔到解決問題嘅緩急建議;另外,如果公司嘅業務涉及金融或電子支付,又或需要達到一啲網絡安全國際認證標準,例如 ISO、PCI 等等,就算有呢啲 scanner 幫手搜集數據,最後都需要專人按各項認證標準嘅要求嚟製作報告,令 IT 部同事疲於奔命。

自動化審計慳人手

其實現時企業管理者應該考慮自動化解決方案,取代人手完成以上作業,唔單只可以提升工作效率,縮短公司網絡內漏洞存在嘅時間;收集到嘅數據,仲可以因應各種認證標準嘅要求,自動填寫出可以直接遞交嘅報告,慳返嘅人力物力,就可以用喺優化企業安全架框方面。

自動化解決方案仲有啲乜嘢增值功能?挑選呢類工具時有乜要注意?咁你就要報名參加 Edvance Beacon 2019 安全峰會,屆時將會有網絡安全專家,同大家深入剖析。

Edvance Beacon 2019
日期:2019 年 6 月 21 日(Fri)
時間:8:30 am 至 5 pm
場地:尖沙咀彌敦道 118 號 The Mira 18樓宴會廳
報名:https://bit.ly/2PPFgdQ

(Article sponsored by Edvance)


關於「Edvance Beacon 2019」安全峰會
「Light up the way to fight evolving cyber threats」
面對日益猖獗及不斷進化的網絡威脅,企業管理者變得越來越難把關。為了提升業界人士對網絡攻擊的認識,同時建立交流分享的平台,Edvance 特別舉辦「Edvance Beacon 2019」安全峰會,透過一系列主題演講、研討分享會及技術示範,將最新的網絡保安技術展示入場人士眼前,於迷霧中亮出安全之道。

Privacy Preference Center