IT業界資訊媒體

【點評各地IT專才移民】做隻IT狗,方為人上人

 

移民潮再現,有財力嘅可以搞投資IT專才移民,咁冇財冇勢嘅IT狗點算好呢?切勿妄自菲薄,其實IT狗既係老闆嘅「旺財」,更係國際搶手嘅專才!有報道指全球網絡保安工作空缺已達至三十多萬份,只要有一技旁身,移民話咁易,世界任你行!

歐洲各國要人

GDPR 於 2018 年執行至今,仍然有大量公司未ready,Facebook、Google 等大企業先後被罰,可想而知仍有大量公司未能好好管理個人私隱。又有報告指出,有唔少歐洲國家於今年先開始切實執行 GDPR,意味 IT 人手需求持續高漲,呢方面真係極度缺人。從移民角度睇,只要你成功移民去其中一個歐盟國家,就可以無限制咁移居到其他歐盟國家,所以移民歐洲非常著數。

 

英國分分鐘最容易移民

現時,英國有超過 58,000 人從事網絡保安相關工作,自 2011 年計起,增長幅度達 160%。另外,預計至 2022 年,英國將有 10 萬個網絡保安職位空缺。加上英國脫歐將會對整個就業結構帶來改變,IT 人手需求將會更大。若果 BNO 新政策落實,BNO 持有人大可以飛去英國半年試下搵工,然後就可以實現移民大計,成本超低,分分鐘係最容易嘅移民之地。

澳洲任你行

而喺澳洲,IT 人才雖不及教師護士吃香,不過依然係非常搶手嘅職業,IT 專業佔 189 獨立技術移民中 6 項,亦有大量州份可以做擔保,IT移民去澳洲唔算太難。而且,澳洲網絡保安人才短缺,據報,現時澳洲仍欠缺約 2,300 名網絡保安人手,而預計 6 年之後,人手空缺將擴大至 17,600 人,所以真係等住你嚟。

紐西蘭廣招IT人才

近年紐西蘭致力開拓高科技市場,每年持續以超過 10% 增長,與 IT 相關嘅就業人口估計過 8 萬,同時,有報名指出 IT 相關行業嘅薪酬比紐西蘭平均收入高一倍。紐西蘭政府亦積極招募 IT 專才移民,其專才移民技術名單覆蓋甚廣,由網絡保安、程式設計、PM、網頁開發等都有,基本上,搵份好工可能容易過响香港,而且移民門檻唔算高,基本上搵到工就可以移到民。

加拿大求才若渴

熱門移民地加拿大嘅門檻比以前高,不過,IT 人才仍然好吃香。最近 Deloitte study 一項調查指出,單是網絡保安專才,未來兩年加拿大嘅企業就需要超過 8,000 個。為咗搶人才,不少省份會推出特別政策,如針對 IT 專才發出快速通道嘅額外邀請。再者,加拿大網絡保安嘅薪酬比其他行業高好多,福利好人工高,過到去之後,絕對唔係 IT 狗。

網絡保安變化多 入行途徑清晰

網絡世界日新月異,新科技造就新工種,不斷嘅轉變令網絡保安生態非常多樣化。不少IT人都可以從本身強項轉型入行,例如你熟悉解難找漏洞,大可以入行做Penetration Tester、Ethical Hacker。而且網絡保安入行途徑可以好清晰,例如考取相關專業認證。網絡保安專業認證首選必定係 (ISC)2,CISSP 之名響噹噹,又或者雲端保安 CCSP 都係唔錯嘅認證,仲有一大堆SSCP、CAP、CSSLP各適其適。最重要係全地球都認,真係世界通行。而且今時今日可以網上遙距進修,更可按自己時間進度學習,大可以好好利用工餘時間轉型網絡保安專才,逐步實踐移民大計,IT狗變人上人。

 

 

 

 

 

 

參考資料:https://bit.ly/31hssVmhttps://bit.ly/2BHJhOvhttps://bit.ly/3dA8Azrhttps://bit.ly/2VmFZr5https://bit.ly/2VnIIAwhttps://bit.ly/2Biw3I5

Privacy Preference Center