IT業界資訊媒體

【長知識】微波爐同 Wi-Fi 用同一頻段,咁 Wi-Fi 能否用來叮燒賣?

有冇留意過,當你用緊微波爐叮燒賣時,手機嘅 Wi-Fi 會被干擾?原來微波爐同 Wi-Fi 用同一頻段,咁 Wi-Fi 能否用來叮燒賣呢?

微波爐同 Wi-Fi 用同一頻段

事情要由 1947 年講起,當時國際電信聯盟(International Telecommunication Union)推出 ISM 頻段(Industrial Scientific Medical Band),各國挪出某一段頻段,開放給工業、科學及醫療機構使用,無需許可證或費用,只需要遵守一定的發射功率(一般低於 1W),並且不要對其它頻段造成干擾即可。當時就開放出 2.4 GHz 頻段供微波爐使用,此頻段相對低耗能、低成本,有利商業開發,生產商業用微波爐。

2.4 GHz 頻段好使好用

沒錯,2.4 GHz 頻段原本係微波爐用,不過,大家見好使好用,就逐漸運用到非煮食用途,例如對講機、以及無線區域網(IEEE 802.11b、IEEE 802.11g)即 Wi-Fi、藍牙、ZigBee等無線網絡。

點解微波爐干擾到 Wi-Fi

好簡單,因為,微波爐流出無線電波。設計上,各 ISM 頻段應該互不干擾,方法之一,就係「法拉第籠(Faraday Cage),即是用金屬或者良導體造嘅箱,阻擋電磁干擾。不過,微波爐嘅設計先天不完美:始終要有道門,唔係點用?而微波爐流出嘅無線電波,係強到足夠干擾到 Wi-Fi 嘅,所以呢,Wi-Fi 設備最好都係遠離微波爐。

Wi-Fi 能否用來叮燒賣呢?

既然頻段相同,咁用 Wi-Fi 來煮食得唔得呢?當然唔得啦!雖然微波爐同 Wi-Fi 用同一頻段,但有兩大分別:焦點及強度。焦點不同,微波爐目的係加熱,所以無線電波有方向性,即係對準中間粒燒賣,同時微波爐內壁反射落返去粒燒賣,不過此方法並不均勻,所以微波爐內總有轉盤。而 Wi-Fi 訊號方向係全方位,你睇 Wi-Fi 個符號就明,其目標唔會集中,所以煮唔到嘢食。

強度不同,微波爐輸出嘅能量約係 1,000W(瓦特),唔係點叮燒賣?而 Wi-Fi 只係約 100 mW(微瓦),即 0.1W。所以,如果要用 Wi-Fi Router 叮燒賣,你就需要將輸出嘅能量增大一萬倍,並且要將射線集中到粒燒賣上,OK

資料來源:http://bit.ly/2RJhyn2