IT業界資訊媒體

【現實版「黑鏡」】黑客可以入侵大腦,控制人類記憶?

英國科幻神劇《黑鏡》(Black Mirror) 有一集提到植入式晶片,可以紀錄所見所聞,控制大腦隨時回放記憶。男主角透過回放記憶,發現老婆出軌,最終拿刀插入自己頸部,取出令其痛苦嘅晶片。科幻劇試圖將故仔講得「貼地」,觀眾依然覺得遙遠,但事實上我地已經慢慢走進未來世界。隨著生物醫學的發展,晶片植入大腦嘅技術已逐漸用於治療神經疾病。不過最近一份研究顯示,植入大腦嘅設備存在嚴重安全威脅,黑客或可以入侵大腦晶片,甚至可以控制大腦記憶。

真正的「殺人於無形」

Oxford Functional Neurosurgery 功能神經外科團隊與 Kaspersky Lab 合作研究發現,用於治療帕金遜症、重度抑鬱症、原發性震顫症(Essential Tremor)的起搏器(Implantable pulse generators)存在諸多漏洞。因為大腦植入儀器一般配有管理軟件,可以安裝於電腦或手機上,而檢測顯示,此類設備安全性極低。黑客可以透過入侵管理軟件或設備,竊取病人資料,或更改儀器設定,引起病人疼痛甚至癱瘓,真真正正達到「殺人於無形」。

黑客未來的勒索目標可能係「記憶」

報告更指,未來十年可能出現能夠增強記憶力的植入式設備。到 2030 年,人類甚至可以改寫、還原,選擇刪除唔開心的記憶,由此出現龐大嘅「記憶市場」。所以,黑客未來嘅勒索目標,或不會係你的電腦文件,而係你嘅「記憶」。透過入侵大腦植入設備,黑客可能竊取、刪除、或者封鎖你的記憶,從而進行勒索、影響政治事件,甚至改寫歷史。大腦植入設備的安全問題就自此變得好重要,網絡保安公司係咪要開始考慮踏足醫學界?

【現實版「黑鏡」】黑客可以入侵大腦,控制人類記憶?
Kaspersky 研究報告:「The memory market: facing a future where hackers target your past」

資料來源:https://bit.ly/2zmOne3