IT業界資訊媒體

【特朗普資安顧問不懂網絡】調查:政府官員是否一定要識技術?

前排報導過日本網絡大臣不懂電腦新聞,引起一大班網民嘲笑,而家又多個特朗普網絡安全顧問不懂網絡。

紐約前任市長、現任特朗普網絡安全顧問 Rudy Giuliani (魯迪·朱利安尼)最近發 tweet 唔小心打少個 space,前後兩句嘅首尾單詞自動組成一個 linkG-20.In」,click 入去,竟然咁啱係反對美國總統嘅網站,首頁出現大大個「特朗普是賣國賊。」字句。

【特朗普資安顧問不懂網絡】調查:政府官員是否一定要識技術?
美國網絡安全顧問 Rudy Giuliani 烏龍 Tweet
【特朗普資安顧問不懂網絡】調查:政府官員是否一定要識技術?
G-20.in 網頁竟出現反對特朗普字句

成件事本身已經好尷尬,點不知 Giuliani 再補一刀,聲稱係 Twitter 陷害佢:「Twitter allowed someone to invade my text with a disgusting anti-President message」。

【特朗普資安顧問不懂網絡】調查:政府官員是否一定要識技術?
Giuliani 的荒謬回應

對於 Giuliani 不小心暴露自己沒有網絡常識的行為,網友紛紛表示:Honey, that’s not how it works…

【特朗普資安顧問不懂網絡】調查:政府官員是否一定要識技術?

而真相係,安全顧問最初的 tweet 發出後,有人撳入個 link,發現冇內容,於是即刻註冊個 domain name,再整咗呢個網站出嚟,但就估唔到爆出咁嘅大鑊。

其實政府官員係咪一定要識技術?

網絡安全公司 Venafi 喺今年的 Black Hat 會議上,對五百多名安全專員做咗份調查,其中一個問題係:政府官員需要完成基本的網絡安全培訓課程嗎?

【特朗普資安顧問不懂網絡】調查:政府官員是否一定要識技術?
Venafi Survey: Should government officials be required to complete a basic cyber security training course?

結果顯示,有 88% 的人表示肯定,認為政府官員或者管理人員唔一定要成為技術專家,但點都需要有基礎網絡認知。另外有 8% 的人認為,除非需要參與指定網絡安全相關法律法規,否則不需要參加基本網路安全課程。

再問到:你是否認為政府官員了解針對數碼基礎設施的網絡風險?

【特朗普資安顧問不懂網絡】調查:政府官員是否一定要識技術?
Venafi Survey: Do government officials understand the cyber risks targeting DIGITAL infrastructure?

多數人對政府官員就唔係咁有信心喇,超過一半的受訪者認為政府官員不能夠了解數碼基礎設施存在的網絡風險。

你又對香港政府官員的網絡認知能力有冇信心?

相關文章:

【躺著也中槍】黑客冒充 Elon Musk Twitter 發起 Bitcoin 騙局 https://bit.ly/2Pn1YIs

資料來源:

https://nyti.ms/2QdmOPQ

https://bit.ly/2UnzrpV