IT業界資訊媒體

【死亡電郵】勒索電郵再升呢:唔畀錢就殺人!

勒索電郵(Extortion Email)最近好猖狂,七月份興起「性勒索」電郵(Sextortion Email),騙徒聲稱有證據顯示受害者上過色情網站,然後到炸彈威脅電郵,越玩越大,最近仲玩埋殺人威脅,指有殺手正瞄準收件人,要求交 4,000 美元換命。

最近多名網民指自己收到一份「死亡電郵」,英文書寫,語法繚亂,寄件人聲稱係某個 Dark Web 擁有者,最近發現有人在該網站聘請了職業殺手來殺害收件人,如果收件人在 38 小時內支付價值 4000 美元的比特幣,寄件人就會通知殺手離開,並告知收件人買兇者資料。

【死亡電郵】勒索電郵再升呢:唔畀錢就殺人!
殺手威脅電郵

經調查,電郵中的收款地址目前未收到任何勒索贖金,大家認為電郵不可信,相信只是一個勒索手段。不過因案件涉及生命危險,類似郵件將上交至執法部門。

初初「性勒索」電郵出街,騙徒一個星期就收到高達 50,000 美元續金,收入非常可觀。但隨後的炸彈威脅和殺手電郵,雖然涉及到人身安全,大家反而就唔信,騙徒最後一條毛都冇。咁問題嚟喇,俾人知自己睇咸片同俾人殺,邊個恐怖啲?

資料來源:https://bit.ly/2Cm0kn7

相關文章:【專家主場】如何抵禦 BEC 變臉詐騙電郵攻擊? https://bit.ly/2POpq5D