IT業界資訊媒體

【唔洗急,最緊要快?】除咗要快,Wi-Fi 安全先係最重要

今時今日,Wi-Fi 等同空氣咁重要,莫講話死機,連慢少少都不能接受。其實,Wi-Fi 嘅安全先係最應該關心嘅問題。

ARRIS 旗下 Ruckus Networks 進行咗首個「亞太區 Wi-Fi 使用情況研究報告」,發現有超過一半(55%)受訪者於最近一年經歷過 6 次連接故障,更有 9% 受訪者經歷高達 20 次之多。無論老闆或員工,都表示 Wi-Fi 可以提高生產力( 74%)、工作彈性( 55%)、改善協作( 44%)。

因此,76% 的香港企業表示將於未來一年更新 Wi-Fi 設備,實在係個喜訊。

此外,Wi-Fi 嘅安全是大家非常關心嘅問題,47% 香港受訪者認為公司 Wi-Fi 好安全。不過,有高達 61% 受訪者原來仲用緊「弱密碼」,同時,竟然有 16% Wi-Fi 連接完全不設防,無需 log in,都咪話唔驚。