IT業界資訊媒體

【你太天真了】Google 無痕式視窗真係「不留痕」?

以為用咗「無痕式」就真係「做乜都冇人知」?好有私隱?少年,你太天真了。

Google 研發嘅「filter bubble」一直被大家熱烈討論,究其原因,就係因為 Google 會按照使用者嘅搜尋、瀏覽、購買等紀錄而度身訂造個搜尋結果,換句話說,就係操控緊你嘅搜尋結果。為人咎病嘅原因,除咗會影響你嘅消費決定,更有機會被影響你嘅政治立場乃至價值觀,而且 Google 一直清楚你去過邊做過乜嘢。

為咗「釋除疑慮」,Google 推出咗無痕式視窗(Incognito mode),聲稱不留痕,反追蹤云云,實情係咪咁?

理論上,用戶使用無痕式視窗功能後,所有人嘅搜尋結果應該係一樣。DuckDuckGo 為此進行了研究,發現就係唔同。即是話,响無痕式視窗狀態之下,Google 依然會好盡力咁攞你嘅任何蛛絲馬跡,然後推算你出搜尋結果。Google 對於此當然有另一翻解釋,佢話搜尋結果會被不同因素影響,每個人嘅搜尋時間、地點不同,所以搜尋結果就會不同咁即係話,「我知你做緊乜,不過冇記低之嘛!」咁即係點先?!

資料來源:http://bit.ly/2PvE9OL