【wepro 小教室】Wi-Fi 熱點攻擊

自從遙距辦工成為新常態，唔少人都習慣在家工作，或者去咖啡店，連接公共 Wi-Fi 熱點工作，任何場地都可以成為工作地點。但係貪方便用公共 Wi-Fi，隨時會被黑客入侵，導致資料外洩，令公司蒙受損失。

黑客首先喺人流密集嘅地方，部署假 Wi-Fi 熱點，再改一個睇落似合法或由公共機構提嘅 Wi-Fi 熱點名稱，當受害人連接後，黑客就能夠用未加密嘅數據流量，取得受害人嘅登入憑證資料、瀏覽紀錄等，更可以存取受害人電子裝置內嘅文件，甚至可以用未經加密嘅真．公共 Wi-Fi 熱點，取得以上資料；甚至「使橫手」將受害人導向至釣魚網站，鋪路作遙距劫持，偷取更多資料。

要避免中伏，第一步當然要避免用裝置連接公共 Wi-Fi 熱點，而且唔好自動加入網絡，如果真係要用公共熱點，最好問清楚身處地方嘅公共 Wi-Fi 名稱，避免誤入；第二係確保裝置嘅安全軟件係最新版本，開啟防火牆。如果連接到 Wi-Fi 後，被導向至可疑網頁，仲要求提供個人資料，就記得要提高警覺。