【wepro 小教室】魚叉式網絡釣魚

釣魚電郵就聽得多，咁咩係魚叉式網絡釣魚（Spear Phishing）呢？兩者最大分別，係釣魚電郵以廣泛發送模式傳送畀好多收件人；至於魚叉式網絡釣魚，就係針對特定對象或一班目標，假冒受害者所屬嘅公司、信任嘅同事、緊密合作夥伴等，再按受害者嘅個人資料，度身訂造出一封釣魚電郵。

犯罪分子需要作事前功夫，喺社交平台收集目標對象嘅個人資料，了解佢嘅朋友圈，從而寫出一封幾可亂真嘅電郵，博取信任。防備魚叉式網絡釣魚嘅最好方法，當然係搵「寄件人」求證，特別係信中提及唔合理要求時，更加要留神！