簡單嚟講，API 就好似侍應，當你去餐廳食飯想落單時，會向侍應點餐，侍應記得你想食咩，再傳達畀廚師；廚師出餐後，同樣由侍應將餐點交到你手上。

運作流程：

1. 你（用戶）：點餐（發出請求）
2. 侍應（API）：將你嘅需求記錄，然後去廚房通知廚師（API 將請求發送到伺服器）
3. 廚師（應用程式/後台）：根據你嘅要求準備餐點（處理請求並作出反饋）
4. 侍應：將準備好嘅餐點送畀你（API 將結果傳達返畀用戶）

API 可以促進系統整合、提高開發效率之餘支持數據共享，令企業可以快速應對市場變化，變成現代軟件開發同企業營運中不可或缺嘅一部分！