外部重定向係一種常見嘅網絡攻擊手法，經常被用於網絡釣魚同社交工程攻擊。黑客會利用合法網站嘅漏洞，將惡意 URL 嵌入重定向參數，修改原網站連結。當用戶點擊後就會被重定向到惡意網站，黑客從而竊取用戶信息或者植入惡意軟件。

想有效應對外部重定向嘅威脅，企業需要定期檢查並修補網站中可能存在嘅漏洞、監控網站流量同日誌，及時發現可疑嘅重定向行為。而用戶點擊連結前要仔細檢查網址、安裝防毒軟件、定期更新系統同應用程式，仲有唔好隨意點擊不明來歷嘅連結呀！