【wepro小教室】SIEM

SIEM，即安全信息與事件管理（Security Information and Event Management），係一種集成式嘅資訊安全解決方案，可以集成多個安全產品，包括防火牆、入侵檢測系統、漏洞掃描器等，喺一個平台上進行集中式的管理和監控，從而幫助企業或組織有效地管理安全事件。

SIEM 主要嘅三個功能包括監控、分析及回應。「監控」即係通過分析日誌同網絡流量等數據，及時檢測到異常活動，例如未經授權嘅訪問、病毒攻擊等；「分析」即係 SIEM 可以自動分析同識別安全事件，根據唔同嘅安全威脅級別，進行優先順序排序；至於「回應」，就係 SIEM 可以自動發出警報，通知安全團隊或管理人員，並提供相關建議同解決方案，從而幫助企業或組織快速回應安全事件，減少損失。

不過，SIEM 需要專業嘅技術人員設置同管理，仲要不斷更新同升級，先可以應對不斷變化嘅安全威脅！