【缺人】PwC白帽機械人 紓緩企業資安人材荒
資料顯示，預計 2022 年因網絡罪案導致嘅經濟損失達 8 萬億美元，每一宗資料外洩令企業損失近 400 萬美元，企業鬥創意鬥效率鬥專業時，仲要鬥安全，呢方面已經成為各行各業共識，所以資安人才相當渴市，搶人難，管理又煩，而一味靠人搵漏洞，係咪 21 世紀最有效手段？再加埋 5G 帶動 IoT 同埋新冠掀起 Work From Home 潮流，未來嘅資安挑戰只會更大。PwC 最近推出 Ethical Hack Bot 工具，會唔會係資安人材缺乏嘅緩解措施？
當企業規模越做越大，數碼資產越多，資安風險自然越大，管理成本變成重擔。CEO 叫 IT 阿頭搞掂佢，但實際上 IT 工作分得相當仔細，各有所司，喺唔請資安人材嘅情況下，即係叫點心師傅煮法國菜。有良心嘅雖然會不斷請資安專材加盟，但業務發展去到某個位，團隊架構開始複雜，report line 再唔係直線，溝通成本消耗每個團員嘅工作效率，若果係跨國企業，呢筆開支就更誇。
其中一個例子係亞洲有 10 個分支嘅 MNC 化妝企業，要收集整合所有電子商貿平台嘅資安訊息，定時匯報已經好費時間，最慘係有時人手出錯漏報嚴重問題或者忘記復修，導致黑客有機會接觸敏感資訊，令企業蒙受損失。本來企業想集中資源拓展市場，但種種資安問題拖後腿。事實上，有好多 compliance 工作唔一定要人手做，例如 PwC 應市推出嘅 Ethical Hack Bot，就有取代大量人手作業，包括定時幫系統做 scanning、做 pentest 等等。MNC 用咗呢個方案後，就減省咗超過一半管理時間同 二百萬開支，更重要嘅係有實時 Dash Board、定時匯報、編排優先修復次序，大大提高資安管理質素，Partner 更放心合作。的確暫時無機械人可以完全取代人手操作，但就可取代約六成重複性作業，減少人手操作嘅失誤。而Ethical Hack Bot 就有以下六大功能，將管理人手與資源減至最低：
- 為數碼資產提供全面保護，一有問題，就會自動通知適當人士處理；
- 自動報行安全掃描，按風險決定解決次序；
- 從 Acunetix、Nessus 等資安掃描工具匯入並整合數據，提供實時報告與修正方案；
- 可供個人化嘅通知設定與工作流程，不同持份者共同參與修正方案，包括檢討、認可與否決；
- 提供手機 app，介面首頁可顯示實時資安風險評估；
- 精準權限管理
