【Let it Frozen】iOS 13.4.1大bug 收通知會hang機！
hone 同 iPad 用家，大家升咗 iOS 13.4.1 未呀，升咗嗱？恭喜晒！因為你同小編都係受害者，會受到呢個 bug 影響，嗱嗱臨去閂咗 notifications 佢先啦！iPhone SE2機主都係呀！
上星期 Apple 為 iOS 推出新版本後，好快就有人喺 Twitter 上表示伏已中，因為更新作業系統後，只要 iOS 裝置收到一個內有意大利國旗 emoji 加一組指定嘅巴基斯坦辛德語（Sindhi）嘅通知（notifications)，成部裝置就會求 touch 不得、求閂不能，hang 機 hang 到完全用唔到。其後再被證實原來唔需要意大利國旗，單係 Sindhi 文字已經有相同效果。暫時被證實會出事嘅 app 通知包括 WhatsApp、Messages、Twitter 等等，但理論上應該係任何 app 都得，而且最重要係有人 send 俾你就死，唔需要你打開嚟睇。 https://platform.twitter.com/embed/Tweet.html?dnt=true&embedId=twitter-widget-0&features=eyJ0ZndfZXhwZXJpbWVudHNfY29va2llX2V4cGlyYXRpb24iOnsiYnVja2V0IjoxMjA5NjAwLCJ2ZXJzaW9uIjpudWxsfSwidGZ3X2hvcml6b25fdHdlZXRfZW1iZWRfOTU1NSI6eyJidWNrZXQiOiJodGUiLCJ2ZXJzaW9uIjpudWxsfSwidGZ3X3NwYWNlX2NhcmQiOnsiYnVja2V0Ijoib2ZmIiwidmVyc2lvbiI6bnVsbH19&frame=false&hideCard=false&hideThread=false&id=1253432816177537024&lang=en&origin=https%3A%2F%2Fwepro180.com%2Ftech-news%2F%25e3%2580%2590let-it-frozen%25e3%2580%2591ios-13-4-1%25e5%25a4%25a7bug-%25e6%2594%25b6%25e9%2580%259a%25e7%259f%25a5%25e6%259c%2583hang%25e6%25a9%259f%25ef%25bc%2581%2F&sessionId=bc7fc1aad1436c846df615aa71ae98ce0f6f44ca&theme=light&widgetsVersion=e9dfb5f%3A1627539779275&width=550px
由於呢個bug係跟喺最新嘅 iOS 版本上，所以現階段 Apple 應該唔會咁快有新版本推出修補漏洞，大家要自救，就麻煩入去 notifications 設定，將接收所有 notifications 嘅設定關閉，方法係 Settings>Notifications>Screen Time，取消 Allow Notifications 就得 ，逐個 app 取消顯示通知，當然大家從此就再收唔到任何新通知，下下都要自己入去睇，但如果你唔嫌麻煩其實可以唔使熄，因為你只要強制 reboot 過部機之後，依然係可以用得返嘅！
