【專家主場】形外佳興 ─ Fit 殊又來了！
之前寫過一些魚事，其實我亦成日賣魚俾人，幫一 D 企業發放各種魚類 (Phishing Email)，搞到我返工好似去咗長沙灣魚類批發巿場咁樣。講開長沙灣，你有沒有見過一種「野獸派」數銀紙方式？一整堆十蚊紙，幾百張成座山咁，當中又濕水又混亂，但係個大佬氣定神閒，一口氣數出來，都費事分開一疊疊。當年搵食就係咁樣。
今次我發果批 FIT 殊，有不同吸引力，有 D 係假扮 Invoice，有 D 係假扮香港 Salary Guide，有 D 係假扮你個帳號快要取消，等等。最攞命果條 FIT 殊，仍然係訴諸恐怖，話你個帳號畀人入侵咗，URGENT，快 D 按粒紅色掣，否則好危險！人性弱點哩，當年賣「千年蟲杜蟲藥」都會有生意。
Behaviour Analysis 發現不少中招的人，都會畀一樣嘢吸引：公仔！如果個電郵全部係文字，人類係會較為理性（i.e. 不易中招）。但如果攝一兩個icon、又或者一 D 似層層嘅照片，中招率立增幾倍。
當然，我發出這些 FIT 殊，始終係一個正當服務，會讓人中招之後，彈個 Box 出來，寫幾隻字，告訴中招者，今次係一個測試。不過，在此刻，Neo 倒是有一個疑問：我點知個 Box 唔係個整個騙局的一部份？再進而追問，我眼前部電腦唔係整個騙局的一部份？Om…
（Neo 在此鄭重勸告各界：做人總要定。）
