【專家主場】形外佳興 ─ 雲的故事

Cloud Computing 已經沒有甚麽大不了。令我感歎的，是我越來越不知道甚麽是 IT。在咸豐年代，那些又噪又食電，間唔中有聖誕燈飾感覺的一舊二舊，就是 IT。我記得，果陣要霸地盤，機多就好。眾所周知，之後有 Virtualization，Network 有 Trunking，一部機不等於一部機，一條綫不等於一條綫，what you see is not what you see。後來上晒雲，摶之不得，我返工都唔知做乜。早上一覺起來，要打開個 Portal 睇下美國果便有冇改晒 D Schema，睇下 O365 Outlook 果 D 掣有冇靜靜雞走左位，然後同個客講一切 OK。

問題是甚麽呢？實體企業，以及企業之中的具體操作（甚至 Organization Structure），都大量地數碼化，但是，數據操作正在虛擬化及雲端化。如此，才能夠追得上速度，在轉眼之間，轉出新的產品、流程、顧客感受等。高速度及靈活性的要求，令所有的實體存在，成為障礙，故須虛化及 outsource。那麽，甚麽是企業的核心資產呢？Infrastructure 甚至 Applications 都可以 Opex，至於一篤數據，其「價值可升可跌」，價值關鍵在於數據流。數據流呢，則不是企業天天可以操控得了，未必可以 capitalize。可能企業最後的核心，係個 EA，一堆員工嘅 identities，一個 IT Security and Compliance Officer，同埋吸塵個阿姐。

Neo 按：

太白詩云，日照香爐生紫煙，遙看瀑布掛前川。飛流直下三千尺，疑是銀河落九天。簡直係做 IT Project 通完頂，去搭 MTR 歸家，眼前一片雲霧的寫照。