【wepro小教室】NGFW

防火牆（Firewall），相信係最多人認識嘅網絡安全工具，隨住技術進步，防火牆亦不斷升級，其中一種新型技術就係 NGFW（Next-Generation Firewall）喇。

NGFW 叫做新世代防火牆，又稱下一代防火牆、新一代防火牆、次世代防火牆等，可以進行深度封包檢查（Deep Packet Inspection），更精確地識別各種網絡攻擊，仲可以支援 VPN 技術控制、依據應用程序管理網絡流量，提高網絡使用效率同埋安全性。佢甚至可以分析網絡用戶行為，睇吓邊個用戶有古怪，又可以為用戶設置度身訂造嘅選項。

傳統防火牆主要依靠端口同協議等方式，進行流量控制，對於應用程序同網絡攻擊嘅識別能力相對較弱，容易被網絡攻擊者繞過；而相對之下，NGFW 就更為靈活，功能更強大同全面。