【wepro小教室】零信任安全架構

Zero Trust Architecture 係呢幾年網絡安全界成日都提起嘅架構模型，中文叫零信任安全架構，目的係要有效防止企業網絡發生數據洩漏。零信任嘅意思，就係對所有進入系統嘅人員或事物（包括網絡、設備、使用者、資料、工作負載），都採取不信任取態，並且作出身分驗證，驗證成功之後先能夠獲得存取權。

一般嚟講，零信任安全架構下有幾項主要管理原則，包括多重驗證機制，最小權限原則，對網絡流量監察嘅可視性及分析，監察惡意活動，加強終端安全，保護數據。