【wepro 小教室】 殭屍網絡

殭屍網絡（Botnet）係指一堆受感染嘅電腦裝置，被黑客操作嚟發動有計劃嘅惡意攻擊。一開始黑客會攻擊裝置漏洞，繼而取得大量被脅持電腦嘅控制權，再用作執行 DDoS 攻擊、傳送垃圾電郵、勒索軟件攻擊、挖掘加密貨幣等。

如果受殭屍網絡感染，首先應該切斷裝置嘅網絡連線，之後再用掃描軟件檢查裝置，為裝置嘅系統、應用程式、抗惡意程式碼軟件做更新，同檢查有冇修補程式。

要預防裝置成為殭屍網絡裝置，都應該做好定期更新，使用防火牆，更重要係安裝抗惡意程式碼軟件，見到可疑彈出式視窗、網站、電子郵件，就切記唔好撳入去啦！