【陪我講】港產初創研發聊天機械人　設情緒偵測功能

源於客服同事的一句「人生好冇意義」，吳德川（Derek）由電商轉投開發聊天機械人（Chatbot）之路，在 5 年前創立柏拉美。由該公司所開發的「陪我講聊天機械人」，為情緒有困擾人士提供支援。一個令人感到「冇意義」的工作，卻成就一件令 Derek 感到最有意義的事。

於中大修讀計算機工程學的 Derek，2003 年沙士時畢業，當時他未有投身月薪只有 6,000 元的 Programmer 行列。畢業前，他已由大學宿舍「起家」，從事電子商貿，「嗰陣連 Amazon 都未有」，售賣手提電話、化妝品、維他命丸甚至保時捷，再延伸至網店、地舖以至批發。

由電商「回歸」IT 界　曾被批評生意無價值

直到 2018 年，有一位客服同事忽然向 Derek 請辭，他憶述：「個同事話一日覆三四百封電郵，全部內容都差唔多，覺得好悶，人生好冇意義。」令 Derek 燃起客服自動化回覆的念頭，成為研發 Chatbot 的契機。「開頭都係內部用，發現都覆到差唔多一半電郵，咁咪介紹畀啲行家用，送畀佢哋試吓」，同時成為了柏拉美的起點。

創業絕非易事，即使 Derek 已有多年做生意經驗，起初周遭的反應亦不正面，「其實大部分人都會話你唔得，會話（聊天機械人）有咩用，答得咁蠢，有啲人就話你嘅生意都唔係生意，冇價值」，他直言：「要選擇唔可以聽太多。」

人機互動最緊要　設情緒偵測功能

堅持自己的路，未必一定成功；但要成功，卻一定要堅持。柏拉美成立後，設計出多款 Chatbot，有客服的、有銷售的，有教書的，更曾贏得中大創業比賽冠軍。在云云系統中，Derek 笑言以包含了 10 款機械人的「機械人Agency」—— MegaChat 最有成功感，用家可以利用 MegaChat 聘請適合的機械人；而在曾參與的計劃中，則以「陪我講聊天機械人」最有意義。

「陪我講 Shall We Talk」是精神健康諮詢委員會自 2020 年年中起推行的精神健康推廣和公眾教育計劃，包括在線支援。由柏拉美研發的「陪我講聊天機械人」，在傾談時協助用家舒緩情緒，並提供與情緒健康相關的內容。自去年九月推出後，反應良好。

「人機互動嘅系統最重要係內容上做得好，如果唔係只係一個冷冰冰嘅系統」，Derek 解釋計劃獲臨床心理學家及社工協助，包括撰寫 Chatbot 說話內容及設置情緒偵測功能，從對話的意思中計算用家是否確實有自殺傾向。若然用家的確有自毀念頭，便會立即請他致電到相關機構求助，但如果用家不願意呢？「所以下一步想做嘅就係幫佢（用家）聯絡，可能傾一傾，好多時係一念之差。」

正研發獨立運作機械人

生成式聊天機械人 ChatGPT 推出後爆紅，對於柏拉美來說，是危還是機？Derek 認為：「如果本身喺基礎上做準備，即係已經有研發，咁 ChatGPT 一出嚟就可以用。」他透露正積極研發獨立運作的機械人，與現時被動的 ChatGPT 不同，「你唔問 ChatGPT，佢係唔會答你」，而他所憧憬的機械人，能主動完成目標，「例如佢目標係要賣到 10 張單，佢就要諗辦法點去完成 10 張單」。

AI 仍屬剛起步階段，他坦言基於人類對機械人的恐懼，有些人會盡量減少讓機械人發揮的機會，「人類唔知道可以畀機械人做幾多嘢，亦界定唔到機械人嘅權可以有幾大」 。Derek 相信機械人能推動社會前進，待人類對機械人的接受程度有所提升 ，情況便會慢慢解決。

防止自殺求助熱線：
香港撒瑪利亞防止自殺會： 2389 2222
生命熱線： 2382 0000
明愛向晴軒： 18288
社會福利署： 2343 2255
撒瑪利亞會熱線（多種語言）： 2896 0000
東華三院芷若園： 18281
醫管局精神健康專線： 2466 7350
利民會： 3512 2626