【量子力學科技結晶】Quantum ID 保你一生不被假冒

想必大家都知道，在黑客手法層出不窮的世代入面，各位老闆都想盡辦法保護好自己的資產。Phishing attack﹑Social Engineering 等等濫用人類信任的手法，小編都 cover 過好幾次啦。今日就探討下，現有存在的非人類因素漏洞 — 假冒手段，以及如何利用量子力學解決呢個問題。

而家好多時收貨驗貨都靠一個 QR Code 或者 Bar Code 搞掂。不過隨住 Photoshop 等編輯軟件興起，不法之徒好容易就偽造到一個同原裝一模一樣嘅貼紙，一野就貼喺 D 假貨上面混水摸魚。最多要你打埋個密碼入系統 — 今時今日，密碼有幾易偷，唔洗我再長氣啦。

以前要提防假冒影射就話靠雷射商標啫，不過而家想喺 Supply Chain 入手，靜靜雞瞞天過海就冇咁簡單喇 — 英國蘭卡斯特大學一間 Startup 公司 Quantum Base 就研發咗一種可應對呢類假 Code 嘅專利產品 Q-ID。聽到個名 「Quantum」，可能大家都唔太清楚實際係咩科技。其實呢度嘅 Quantum 對應 Quantum Physics — 量子力學。佢嘅定義係一個指定，通常極之少量﹑小型嘅一份能量。咁關呢個自稱堅不可摧嘅 Q-ID 咩事呢？

一般密碼通常係 8~16 個位長，加 D 大細楷同數字，複雜程度有限。就算係公司機密，用一大串 Code 去加密嘅金鑰，都係有長度同處理系統嘅限制。不過 Q-ID 就唔同喇 — 佢每個 Tag 都係直接利用大約一千兆以納米位單位嘅粒子做認證，每一粒獨立嘅粒子所擁有的 Spin、State 及能量等等嘅特質都唔同，因為世上所有粒子嘅特性都係隨機嘅。其複雜嘅程度根據 Quantum Base 研究人員所稱，就算用現有最強力嘅顯微鏡 Scan 呢個 Code 再複製一個一模一樣嘅出嚟，大約須時 130 億年。

Q-ID 除咗消滅所有偽造手法之外，因其本身嘅複雜度，驗貨個時都冇需要再人手用密碼 Verify。咁樣，就更加直接咁減少一個漏洞嘅源頭，一舉兩得。最好嘅係，Q-ID 已經打算開始進入量產，加上佢地嘅 Code 唔需要一部新嘅高科技 Scanner 去驗證，而只須要用一部手機就夠 Processing Power 解讀，好大可能喺不久嘅將來成為大趨勢。資料來源︰https://bit.ly/3glJplDQuantum Base︰https://bit.ly/2Yltcqq