【趁火打劫】肺炎疫情險峻，俄羅斯黑客乘機偷疫苗
肺炎疫情下個個提心吊膽，街又唔出，冇啖好食，確實十分之唔方便。正正喺呢個大家最應該齊心合力對抗病毒嘅時候，竟然殺出一團嚟自俄羅斯嘅「程咬金」？
建基於俄羅斯嘅 APT29 一直係網上知名嘅黑客團體。平時已經唔係 D 咩善男信女，專做埋 D 非法勾當。但今次佢地真係玩大咗——好搞唔搞，走去 hack 全球人類最需要嘅肺炎疫苗。已知有份參與呢個行動嘅 Hacker 包括自稱 “Cozy Bear” 同 “The Dukes”嘅人。佢地活用 Spear Phishing 同自製嘅 “WellMess”—一款可以發出虛假殼層指令，記錄密碼嘅軟件，嘗試偷取可以稱為世界級嘅機密。
佢地好似食咗熊心豹子膽咁攻擊英國﹑美國同加拿大嘅研究中心，又點會冇原因吖。唔同真係為左名譽咩？英國嘅 NCSC ﹙National Cyber Security Centre）指出，攻擊極有可能係俄羅斯情報機關所指使。NCSC 嘅行動指揮 Paul Chichester 更發出聲明譴責呢 D 為咗一己私慾而攻擊如此關鍵嘅研究機關嘅人。但係另一邊廂，俄羅斯大使 Andrei Kelin 大力否認 NCSC 嘅指控。仲指出，係現今科技發達嘅時代，要將一場 Hacking 指定喺由某個國家作出基本上冇可能，唔應該因為政治原因草草發出聲明。
講真吖，大家都想快 D 回復正常，好搞唔搞搞解藥，何必呢。
唔想錯過熱門網絡保安消息，請即訂閱 wepro180 電子周報：https://bit.ly/2ZcCi9J
