【習慣被 Hack？】預防失效時，被 Hack 後 3 個自救步驟
當一百個人被問到「你擔唔擔心自己畀黑客搞」時，少過十個表達擔心。係嘅，即使每日有人被 Hack 而蒙受不同程度損失，呢類罪案都未得到應有嘅關注 － 平民級 Cybercrime 有幾多上到新聞？又例如在高度數據化時代，係咪每間公司都按比例投入足夠網絡保安資源？回答唔擔心的受訪者，識得香港悍匪張子強同葉繼歡，但聽到 TrickBot、WannaCry 時一頭霧水，連史上最兇的 Malware 點運作都唔知，咁那裡來的自信覺得自己真係零被 Hack 風險？2019 年一批 Deliveroo 用戶收到電郵通知其帳戶登入資訊被更改，但自己明明無改過，打開 Deliveroo 發現 Access Denied，並在短時間內收到 Notification 話 Deliveroo 過咗數。係，用戶無做錯任何野（表面），但依然蒙受損失，的確 Deliveroo 會找數，但你係咪 fb、IG、Email 都有獨立 Login & Password？所謂 Hack 一破十，大家咪咁天真。而既然被黑的風險如此高，自然要學被 Hack 後的應對手段。
1. 注意不尋常行為
被 Hack 最明顯的特徵係有嘢唔同咗 － 無啦啦登入唔到帳戶，收到不明嘅過數通知等，都係被攻克的證明。不過在 Damage is Done 之前，有時或有跡象，例如有多次嘗試登入不果、或者在不尋常地區（如用戶甚少到訪的國家）成功登入的嘅 Notification。另外，像上述 Deliveroo 的例子絕不罕有，企業洩漏如電話、密碼、信用卡等個人資料的問題，未來只會有增無減，企業當然有責任盡快主動聯絡你，但大家亦不妨用 Haveibeenpwned 或 F-Secure 的 identity checker，佢地不單有過往企業洩露客戶訊息的記錄，同時會向通知用戶任何企業 Data Breach 的最新資訊。
2. 重掌主導權
在 Cashless 年代唔見銀包，最煩係逐張卡取消同逐張證補領。網上帳戶被 Hack 的手續只有更煩，「補領」過程往往迂迴，亦有很多枝節，有時牽涉通知所有聯絡人，或甚要同執法機構合作。首先，每個企業都有其補領程序，Facebook、Google、Netflix 都有個別政策。一般黎講，如果你能夠登入帳戶，官方會要你提供密碼、登記電郵、預設安全問題答案等。千萬不要回覆任何聲稱擁有你帳戶控制權的人，有咁好心當初就唔會偷你帳戶，聯絡你只係想套出更多個人資料。當可以重新登入帳戶後，請立即更改密碼，仲要改埋所有使用相同密碼嘅其他網上帳戶。下個行動要視乎帳戶性質，例如若果被 Hack 的係 Email，就即刻 Check 下 Setting 會唔會開咗自動 Forward 所有 Email 的功能，同時 Check 下 Sent Message 入面有無畀人亂 Send 野出街。
3. 減低被 Hack 風險
想減低受襲風險，最緊要注意「上網衛生」，唔好一個密碼走天涯，盡量放最少私隱上網。Electronic Frontier Foundation 的資安總監 Eva Galperin 曾經講過，Google 閣下自己個大名，並以 Result 衡量個人資訊在公海的多寡。「當你在社交平台分享所在位置、名字等，請預咗其他人可以挪用黎做你想像唔到嘅事 － 出賣你嘅個人資料元兇，通常係你自己。」被有組織黑客 Hack 過的帳戶，其再次被 Hack 的風險較高，因為黑客已經掌握你個人資料。這前題下，大家更應該用 Password Manager 生成高難度密碼，揀選複雜的保安問題，而答案只有你自己知。再徹底的話，將所以停用的帳戶（如 Hotmail）都一一刪除，任何時候只要有多重驗證選項，大家都應該啟動，最常見的 2FA 係密碼加一個問答。高風險人士就應該用 VPN、Tor 或 Google 高階保護程式。
唔想錯過熱門網絡保安消息，請即訂閱 wepro180 電子周報：https://bit.ly/2ZcCi9J
