【是否很驚訝？】 Google 預設收集緊你咁多個人數據呀

國安法生效，要求全宇宙社群媒體平台配合，提供香港使用者資料，Google、Facebook、Twitter 隨即宣佈暫停向香港政府提供香港用戶數據。不過 Google 同 Facebook 有香港分部，若果中國嚴正執法，到底佢哋選擇撤出香法市場定配合法例跪低？而其實不論前者定後者，係人都知科企免費提供服務換取你的資訊，但實質掌握咗幾多會點樣用，你又知唔知？

的確 Google 6 月宣佈替用戶自動刪除個人數據，但只限政策公佈後的新登記用戶，並預設儲存 18 個月後才刪，宣佈前經已係 Gmail 15 億用戶與 Android 25 億用戶嘅話，除非你主動更改設定，否則 Google 會永久儲存你的個人數據。CNET 專欄作者 Dale Smith 最近出 Po，揭露 Google 到底掌握住用戶幾多數據、幾多設定為「公開」，最重要係教大家點樣盡量縮窄個人數據被收集的範圍同儲存期限，而不影響 User Experience（此乃科企收集個人數據的初心）。

基本個人私隱

Google 擁有大部份用戶的真名、樣貌、出生日期、性別、密碼、電郵地址、手機號碼，部份資訊可能預設公開同全世界發享，大家可以跟以下程序 Check 下同更改設定。

1. 開 Browser 登陸 Google Account Page
2. 登入個人 Google 帳號；
3. 在目錄選 Personal Info；
4. 隨你喜歡刪除或更改個人照片、名、出生日期、性別、密碼、手機號碼；
5. 在頁底 About Me 可以查到以上資訊那些預設為公開。人像 Icon 代別公開，辦公大樓代別只限你的企業，鎖代別只限你個人。

網上活動記錄

由你 Day One 成為 Google 用戶起所有網上記錄，都可以掘得返出黎，曲線地講其實係非常客觀嘅個人日記，亦係點解大家要好好處理的原因。以下教學，目標係不影響 User Experience 下盡量減少 Google 儲存的個人數據。

1. 登入個人帳戶，選 Data & Personalization；
2. 在 Activity Controls 有晒 Google 記錄緊你嘅數據種類，包括搜尋記錄、YouTube 瀏覽記錄等等；
3. 選揀 Web & App Activity，大家可以在 Saving Activity 選擇完全停止收集數據，代價係 Google 所有服務唔再「岩心水」，仲好有可能完全廢左 Google Assistant 如 Google Home 的武功；
4. 唔剔第一個格可以停止 Google 追蹤瀏覽記錄同埋以 Google Account 登入的平台，唔剔第二個格就停止 Google 收集錄音；
5. 如果唔想一刀切，可以要求 Google 在限期到刪除上述記錄，最短是 3 個月，最長是 18 個月，Dale 建議大家選 3 個月，基本上用戶在體驗上不會察覺差別。舊用戶預設永遠儲存；
6. Web & App Activity 上收集過你所有數據記錄，可以入 Manage Activity 睇，個 list 長度碌極都碌唔完。係呢度可以選擇刪除特定日子的記錄，在垂直三點果位仲可以刪除自訂時間範圍記錄；
7. 可返回 Manage Activity 檢查所指定的記錄是否已被刪除；

個人位置記錄

希望網上活動記錄果部份未嚇驚你，因為相比之下，Google 已經係你不知不覺間，化身超級跟蹤狂，完全記錄用戶每日的行程位置。如果 Google 配合政府提交用戶記錄，就會非常方便警方辦案，肯定比健康碼或智能燈柱可靠。

1. Google Account 主頁選 Data & Personalization；
2. Activity Controls 內選 Location History；
3. 如 Web & App Activity，可以選擇完全停止 Google 追蹤，但會影響 Google Map 等服務體驗。亦可以如上述選擇設定定時刪除記錄；
4. 如果想檢視 Google 收集過的所有行蹤記錄，或刪除指定時段或特定記錄，大家可以在如 Web & Application Activity 教學般，刪除指定記錄。在 Manage Activity 內，記錄以地圖與 Timeline 形式展示，右下角的垃圾筒可以一次過清除所有記錄。
5. 重複以上步驟管理 YouTube 記錄。

以上教學，並不能完全停止 Google 收集大家數據，例如 Google 可以憑手機附近的 Wi-Fi 等無線訊號，判斷出用戶位置。它亦承認掃瞄用戶 Gmail 分析用戶購物習慣，至於是否與 2018 年誓神劈願公佈企業內無人查看用戶電郵，除了征得用戶同意下進行 Debug 等保安有關行動是否互相矛盾？可能 AI 唔係人就唔算掛。不過，盡做啦。

資料來源：https://cnet.co/3fosAqf

唔想錯過熱門網絡保安消息，請即訂閱 wepro180 電子周報：https://bit.ly/2ZcCi9J