【Data-to-Everything】Splunk x Porsche 數碼真・轉・型
https://youtube.com/watch?v=w2XGqOsUVUQ%3Fwmode%3Dtransparent%26rel%3D0%26feature%3Doembed
好多人都話要數碼轉型，不過一係就只將啲架生數碼化，一係就只將啲資料數碼化，而其實最完美嘅應該係硬件與軟件一齊革新。科技界巨擘 Splunk 與地上最強跑車廠牌之一保時捷（Porsche）合作，正正係軟件與硬件高手嘅最強組合，利用數據及機器學習，配合精湛造車工藝，打造出全新概念駕駛系統，實踐 Data to Everything 理念，示範數碼真・轉・型！ Porsche 早前推出首個全電動量產車款 Taycan，又四門又高性能又環保又有型有款，瞬間震撼車壇，成為熱話，而貴為地上最強跑車廠牌之一，就唔淨止砌部高性能跑車賣就算。Porsche 更關注用戶體驗，講究 luxury mobility，响 Taycan 背後，Porsche 找來 Splunk 幫手，創建緊一套全新概念嘅駕駛系統：由生產全電動車、充電站，到客戶服務、智能駕駛系統到充電系統支援等，硬件到軟件，照顧嘅係整個用戶體驗。最厲害嘅，就係 Porsche 竟然搞基建：建立完善嘅充電網絡系統，當中更用上 Splunk 嘅 Data-to-Everything 平台及機器學習技術。 利用 Splunk 嘅 Data-to-Everything 平台，Porsche 收集用戶嘅駕駛及充電數據並進行分析，利用人工智能、機器學習等技術，準確預測用戶充電需求，並根據各區充電站使用情況，計算出最佳嘅充電站位置及路線。
最厲害嘅，係 Data-to-Everything 平台更能預測用家嘅使用趨勢，從而讓 Porsche 充電服務團隊準備相關配套，例如計算建立下一個充電嘅最佳地點。預計在 2020 年，Porsche 於全球嘅充電站會達到 2,000 個，並繼續按照用戶數據持續擴建。Splunk 嘅強勁數據整理能力令 Porsche 嘅駕駛系統越來越完善，堅係利用數據去改善世界。另外，Porsche 更利用 AR 技術設計充電指南，用戶可以利用手機，於 AR 環境之中輕易完成充電程序，絕對令人驚嘆。
其實，Splunk 與 Porsche 嘅合作始於 Porsche 客戶服務系統嘅支援開始，兩家均以科技、創意與客戶為先嘅公司一拍即合，然後越來越多合作，逐步建立出一套完善嘅數碼生態系統。利用數據力量，為客戶提供嘅，絕不只係一堆毫無意義嘅數據或者係一輛輛嘅電動車，而係一整套豪華貼心嘅用戶體驗。 揸波子，就係唔同啲。 由 IT Operations、Security、App Dev 以至 Business Analytics，都可以利用 Splunk 嘅 Data-to-Everything 平台輕鬆對應，絕對係 IT 必備神器之首。想知 Splunk 有幾好使好用？可以留意下列日期，報名參加 Splunk Workshop，屆時將有專家即場示範 Splunk Data-to-Everything 平台嘅勁大能力。
