【唔係講笑！】勒索軟件釀企業倒閉潮
勒索軟件（Ransomware）係現時其中一種最多罪犯使用嘅網絡攻擊手法，因為佢嘅使用方法簡單，只要幾十蚊就可以喺暗網買到，有黑客集團更以 Ransomware-as-a-Service 形式經營，好似上年開發 GandCrab 嘅黑客集團就高調話兩年間賺咗 3 億美元服務費，好搵過 Bounty Hunter 多多聲。再加上加密貨幣（Cryptocurrency）大大減少罪犯收贖金嘅風險，所以愈嚟愈多勒索軟件出現，而且真係任何人或公司都有可能中招。
搶救失敗無後路
對一般用家嚟講，中咗招大不了重裝電腦，最多係無晒啲相、片同檔案啫；但對於企業嚟講，如果重要檔案或寫緊嘅project、程式被鎖死，而平時又無做好備份工作嘅話，真係有可能執笠㗎！好似美國一間電話推銷公司 The Heritage Company，上年 10 月受到勒索軟件襲擊，因為無做好備份工作，事後又救唔番啲檔案同俾唔起贖金，結果一踏入 2020 年，集團 CEO Franecke 就「鼓勵」300 個員工去搵新工，暗示公司就快執笠。
有員工表示，其實佢哋喺聖誕前已睇死公司唔會搶救到電腦系統，所以喺聖誕前已向當地政府報稱失業。不過，CEO 一直未肯正式宣布執笠，仲叫員工過咗年再打返公司查詢搶救進度，可能只係出於拖延時間，延遲員工告上法庭嘅行動咁話。
The Hertiage Company 絕對唔係因勒索軟件而準備執笠嘅唯一受害者，根據傳媒報導，上年美國就有兩個醫生同樣中招，搞到診所要執笠或醫生自己提前退休。事實上，就算公司有錢俾贖金，都未必可以喺黑客手上攞到解鎖鑰匙，因為唔少網絡安全專家都指出，部分勒索軟件根本會自動銷毀產生出嚟嘅密碼，由開初已無打算去解鎖，所以受害者俾贖金可能只係再 hurt 多次咋。481600 107100
免費試用備份 數分鐘開展上雲
所以話，平時做好備份工作係幾咁重要呢！如果從未做過備份工作，又或覺得現時使用嘅備份方案複雜難用，而家就有好機會。雲端備份方案供應商 Veeam 再度推出免費試用計劃，除了有 Veeam 領先業界嘅備份方案，更會附送價值 200 美元 Amazon AWS S3 儲存點數，企業就毋須擔心要自費租用雲端儲存服務，先可以試用服務。 名額有限，先到先得，請立即點擊以下連結登記。
免費試用計劃
內容：Veeam Cloud Mobility 雲端數據備份方案＋200 美元儲存點數
對象：非 AWS 現有企業客戶
相關文章：【ENDGAME】正義聯盟破解 GandCrab 所有版本 黑客組織提早退休
