【小心變臉詐騙】一封詐騙郵件，豐田子公司就冇咗40億

變臉詐騙攻擊（Business Email Compromise，BEC）持續肆虐，最近又有大企業中招。今次苦主係豐田生產汽車椅套及門內飾件嘅子公司豐田紡織（Toyota Boshoku）。上個月，其歐洲子公司受到假冒商業郵件嘅變臉攻擊，導致公司財務損失約 40 億日圓。

豐田紡織剛剛公佈，於 8 月 14 日中招，已經立即成立應變小組並報警協助調查，力求儘可能追回被騙金額，不過潑出去嘅水絕對冇咁容易收得返，所以，出年 Q1 嘅營收報告真係凍過水。豐田都可謂多災多難，早於今年初，Toyota 日本總公司與越南分公司 5 周內兩度受襲，其網路及伺服器遭到未經授權存取，外洩資料涉及 310 萬客戶。連番出事，就唔可以話唔好彩，公司上下軟件硬件嘅安全都必須全面檢討。

變臉詐騙攻擊一直都係公司嘅惡夢，因為手法簡單、得手率高，所以一直猖獗，為公司安全最大威脅之一。因此，一間公司必須要添購電郵保護服務，7×24全天候攔截各種電郵攻擊，如攔截 SPAM 及帶有病毒或勒索軟件嘅電郵、杜絕釣魚電郵等。

資料來源：https://bit.ly/2k7do9D、https://bit.ly/2kChV43