【專家主場】Security 花費有如去街市買餸？

一般公司在準備每年 IT Security budget 時，除了行業法規、內部合規及安全架構相關的預算比較容易規劃之外，最難做的就是對新安全技術採用的那一部份。原因是 Security 變化較快，解決方案也五花八門，很難將個plan做得仔細。若碰上突發安全事故，原本 planned 咗嘅項目又會有更改。所以，很多公司會在整年的IT Security Budget 裡，預留固定百分比作新安全技術的花費。

今晚買乜餸

有了這筆預算，花在哪些新的安全技術？有時也挺傷腦筋的，情況就好似今晚買乜餸一樣。在「買餸錢」就只係得咁多嘅情況之下，就是一班 IT Security 同業各出奇謀嘅表演時間，努力去爭取客戶採購佢哋所提供的產品或服務。

諗住買本地肉蟹，變咗買北海道長腳蟹

情況就有如去街市買餸一樣，今天都唔知買乜好？諗住買海鮮，去咗海鮮檔區域，就一大堆海鮮檔擺喺你面前，每檔都話佢啲海鮮最平最靚。原本諗住買本地肉蟹，俾海鮮檔主 sell 下，就變咗買北海道長腳蟹，仲話買多一隻會再平啲俾你：一隻攞嚟清蒸，留返一隻急凍，用另一種食法會更佳口感。檔主都喺 Sales，食物都講究安全，花多少少錢，買得開心，食得安心，也是價值所在。

IT Security Sales 的最大挑戰

在 IT 行業的前線銷售人員，我覺得最棒的是 IT Security Sales。因為 Security 不是必需品，即使客戶認同需求，也沒有一定的迫切性（除非有突發安全事故），今年跟明年落實項目也分別不大。所以，IT Security Sales 最考功夫的，就是如何 create demand，也是最大的挑戰。