IT業界資訊媒體

edvance 特約【wepro 教室 05】嘉倩 180 ─ Firewall

Firewall「防火牆」,大家應該知道「防火牆」嘅基本功能。

究竟點解叫防火牆?簡單嚟講,真正嘅防火牆,係當有大火時,將大火隔開,以免被波及。同樣,喺互聯網環境,可能有好多潛伏嘅惡意攻擊,而防火牆就扮演一個位於關卡嘅防衛角色。

防火牆包括軟件或硬件。我地個人電腦內嘅防火牆,主要係以軟件形式運作。因為企業需要嘅連接比較多,需要用更快嘅處理速度,去應付制定好嘅安全策略;所以企業使用嘅防火牆大多數都係硬件。

防火牆嘅對外連接,主要靠已開通嘅端口,常用嘅 http、ftp、同埋 smtp 都可以透過預設嘅端口進出。

另外,新一代嘅防火牆亦對使用者、應用程式及傳送內容有管理功能。再加上對病毒、惡意程式嘅過濾功能,可以讓企業更有效提升安全管理及控制。