IT業界資訊媒體

【小心被自己出賣】在大數據時代,請注意一下自己身份

健身app出賣美軍機密嘅問題,唔單係個app、資訊科技嘅問題。最大問題,係今日社會大眾對自己身份嘅自覺,官腔啲講,係敏感度不足。在大數據時代,跑下步,食餐飯,尋常活動都可以「不尋常」。

Correlation and Causation
數據及統計學者能將兩組或以上的資料進行配對,從中尋找資料之間的關聯(Correlation),及其引申意義。例如將歷年降雨量與中國歷史比較,找出氣候與外族侵華嘅關係。而大數據時代,大量數據於網上公開,有心人只要搜集不同數據,再進行配對,就可輕易找到關聯意義、因果關係(Causation)。將Strava的數據與地理資料配對,就出賣咗美軍行蹤。

將Strava的數據與地理資料配對,就出賣咗美軍行蹤

將Strava的數據與地理資料配對,就出賣咗美軍行蹤

Correlation絕對不是甚麼新鮮蘿蔔皮,對很多人來講更是BB班技倆。問題在於科技進步,搜集到嘅資料勁多,而且勁容易。善用呢種資源,可以造福萬民;不過,壞人亦可藉此作奸犯科。

Information Privacy
近年已經有大量聲音呼籲大眾關注個人私隱問題,涉及到如醫療、交易、瀏覽、位置等資料,對於搜集、公開、保存、利用等處理手法,議題其實非常複雜。但可以肯定嘅係,私隱問題將隨住大數據時代越演越烈。強國以私隱換取所謂嘅方便,用作保安、維穩、監控等,《1984》嘅故事殺到埋身。

面孔辨識技術已經發展成熟,一張相,就知你祖宗十八代。

將個人資料拱手相讓已經足夠引發災難,更大嘅災難,係不知不覺咁「被收集」。社交平台掌握每個人嘅資料行為行蹤,出街、返大陸隨時被點相,連鍵盤戰士都可以9秒9起底,個人私隱蕩然無存,當你以為自己進行緊「私人活動」時,有冇諗過其實你係幾咁赤裸裸?

當你以為自己進行緊「私人活動」時,有冇諗過其實你係幾咁赤裸裸?

當你以為自己進行緊「私人活動」時,有冇諗過其實你係幾咁赤裸裸?

在大數據時代,請注意一下自己身份
响世界進行digital transformation嘅同時,大家好多時忘記咗,自己都有份參與,以及「如何」參與,因為你唔係得一個身份!有時候,「尋常活動」會因為「身份」而不尋常,如果有心人根據你嘅某個「身份」,同其他數據配對,找出特別嘅Correlation,就個得出意想不嘅Causation。

所以,公開你嘅「日常」、玩智能Gadgets 之前,請注意一下你用咗邊個身份去玩、去「日常」。Make no assumptions,唔好以為個人資訊一定會被保障。上下計住用邊個身份,係會有啲精神分裂,但係冇計,大數據時代,個世界已經唔係咁簡單。