IT業界資訊媒體

【以色列網絡保安之父】神級開發家Shlomo Kramer

科技搖籃美國矽谷,臥虎藏龍嘅並不只係美國人,當中,以色列幫是其中一支主力。提起以色列,一定要認識神級開發家及投資者,「網絡保安之父」Shlomo Kramer,跟實大師一舉一動,包有運行。

化繁為簡
Shlomo Kramer 亦被譽為「防火牆之父」,其有份創立嘅網絡保安公司 Check Point,推出了史上首個商用防火牆,開創Firewall先河。如果話 Shlomo Kramer 「發明」防火牆,不如話佢响網絡保安世界「發明」咗一樣嘢,叫 simple。

“Bring simplicity to an increasingly complex world.”

事實上,Shlomo Kramer 並沒有發明防火牆,Check Point 創立之時,坊間已經有各種不同嘅防火牆(如 Raptor Firewall、Trusted Information Systems Firewall Toolkit)。可惜,呢堆防火牆超繁複難用,需要極專業知識及技術操作,平民百姓只能「望牆輕嘆」。而 Shlomo Kramer 就為大家帶來救星「simple」,simple to deploy,simple to buy,simple to use,一切麻煩事交畀 Check Point 嘅 Firewall 方案解決。Check Point 更致力將煩過阿媽嘅防火牆塞入一隻磁碟裡面,簡單、方便、易用,好快贏得用家認同,成為防火牆典範。

當年嘅Firewall-1磁碟,連安裝說明都可以簡單地印响上面
當年嘅Firewall-1磁碟,連安裝說明都可以簡單地印响上面

Check Point 之後,Shlomo Kramer 創立 Imperva、投資 Incapsula、Palo Alto Networks 乃至現在嘅 Cato Networks,背後理念同出一轍,就係「simple」。例如 Palo Alto Networks 就係一個簡單易用嘅統一網絡保安方案,Imperva、Incapsula 則針對 application、SaaS ,化繁為簡,全屬非常成功、造福萬民嘅網絡保安恩物。

Palo Alto 統合網絡保安,為業界先河
Palo Alto 統合網絡保安,為業界先河

網絡保安先知
Shlomo Kramer 另一個傳奇之處,是其有如「先知」洞察力。當大家於網絡世界仲係 BB 班時,佢已經幫手做保安整合;然後好快轉攻 application、SaaS層面嘅保安。 網絡技術日新月異,而每一次革新,Shlomo Kramer 都能準確掌握, 其投資項目中不少都成為業界巨頭,名利雙收。最近,Shlomo Kramer 成立 Cato Networks,專注 cloud security,好明顯,雲端保安將成佢下個重要戰場,想跟車,大家就要密切留意大師嘅一舉一動了。

Shlomo Kramer最新項目Cato Networks,專注 cloud security
Shlomo Kramer最新項目Cato Networks,專注 cloud security

關於 Shlomo Kramer關於 Shlomo Kramer譽為「The godfather of Israeli cybersecurity」,15 歲開始售賣電腦,其後加入著名以色列國防軍 8200 部隊,成為網絡科技專才,退役後完成 Computer Science 碩士,並於網絡保安界大展拳腳。Shlomo Kramer 與多位業界精英合作,創立著名企業 Check Point、Imperva、Cato Networks,投資多個項目如 Incapsula、Palo Alto Networks、Insert、Trusteer、Aqua Security 等。2006 年,Shlomo Kramer 獲《Network World Magazine》選為 20 位業界最具影響力人物;2008 年獲《SC Magazine》選為「年度CEO」;2013 年入選 《Infosecurity Europe》「名人堂」。Shlomo Kramer 熱愛攝影及深海潛水,年輕時更是舉重冠軍。